Suenter che bunamain tut las vuschs èn dumbradas, vegn l’anteriura ministra da l’exteriur americana sin passa 73% da las vuschs. Ses cuntracandidat Bernie Sanders vegn sin radund 26% da las vuschs.
Uschia ha Clinton gudagnà fin uss 3 elecziuns preliminaras, entant che ses concurrent Sanders vegn sin ina victoria. Quel n’ha dentant anc insumma naginas mustgas da bittar la fautsch en chanvà.
La victoria a South Carolina per Hillary Clinton ha gronda muntada, en vista al «Super Tuesday» en dus dis. Il mardi che vegn han numnadamain lieu elecziuns preliminaras en pli che 10 stadis federativs americans. Clinton è la favurita en la gronda part da quests stadis.
RR Novitads 06:00