En ses pled al WEF a Tavau ha Antonio Guterres, il secretari general da l'ONU, tranter auter reagì sin la dispita economica tranter ils Stadis Unids e la China. La communitad internaziunala stoppia mussar a las naziuns che na sajan betg persvasas da la collavuraziun tranter ils pajais, ch'ins s'interessia per lur fatgs.
Plinavant ha Guterres admonì da betg tralaschar las stentas communablas en connex cun novas tecnologias. Il proxim stgalim da la globalisaziun portia grondas midadas, las qualas stoppian vegnir affruntadas. Tar quellas tutgia per exempel il diever d'intelligenza artifiziala en il sectur d'armaziun. I na dettia uschia er nagina cunvegnia che defineschia sin nivel internaziunal, tgeninas mesiras da defensiun che sajan lubidas, sch'i giaja per attatgas da cyber.
RR novitads 17:00