In «easy rider» dat adia - L’actur american Peter Fonda è mort - Novitads

In «easy rider» dat adia L’actur american Peter Fonda è mort

Avant 50 onns ha Peter Fonda fatg furora en il film «Easy Rider», ensemen cun Dennis Hopper. Uss mora el en consequenza da cancer dal lom/pulmun, sco sia famiglia ha laschà savair.

Autur: SDA / Alexi Baselgia

Peter Fonda saja mort en il ravugl da sia famiglia, ha inditgà ses agent. Il figl da la legenda da Hollywood Henry Fonda - ed il frar giuven da Jane Fonda è vegnì 79 onns vegl.

Il 1969 ha Peter Fonda dà il töffist «Captain America» en il film «Easy Rider». Cunacturs en il grond success eran tranter auter Jack Nicholson e Dennis Hopper. Il film mussa in viadi sin töf tras ils Stadis Unids, ils töffists savens sin drogas. Sco scenarist era Fonda vegnì nominà per in Oscar.