Pervia dad in'erupziun d'in vulcan che smanatscha, han ils abitants d'ina insla da Vanuatu en il Pacific stuì bandunar lur chasas. Sin l'insla Ambae vivan da quai da 11'000 persunas. Tenor las autoritads è l'insla ussa vida. lls abitants sajan vegnids transportads cun bastiments sin las inslas vischinas.
Sin l'insla Ambae smanatscha il vulcan Manaro da rumper ora. L'ultima giada è quai stà il cas il 2005. Lura eran ils abitants vegnids evacuads per trais mais.
RR novitads 10:00