In pass pli datiers da relaschar president da Venezuela

Per il president venezolan Nicolas Maduro pudess la situaziun bainbaud daventar anc pli stretga. L’opposiziun che vul relaschar Maduro da ses uffizi ha numnadamain fatg in ulteriur pass vers sia finamira.

Il president da la Venezuela Nicolas Maduro. Bild in Lightbox öffnen.

Legenda da maletgs: Il president da la Venezuela Nicolas Maduro. Keystone

Per realisar il referendum cunter il president Nicolas Maduro dovra quai uss la conferma persunala da las 200’000 suttascripziuns tras ils signataris, ha annunzià la presidenta dal cussegl electoral naziunal. Quai duai succeder tranter ils 20 ed ils 24 da zercladur e tras verificaziun da l'identitad cun l'impronta dal det.

Ella ha dentant avertì da vulair bloccar immediat il proceder sch'ils protests violents cuntinueschian. L'opposiziun vul stgatschar il president Nicolas Maduro. En ses egls porta quel la culpa per la gronda crisa economica en la Venezuela.

Gia il matg aveva la coaliziun d’opposiziun surdà al cussegl electoral radund 1,8 milliuns suttascripziuns per cumenzar in referendum. Pir il mardi eran 1,3 da questas suttascripziuns lura vegnidas decleradas sco valaivlas. Duvrà avessi 200’000.

RR novitads 11:00