Siglir tar il cuntegn

Header

Il nov president american.
Legenda: Joe Biden tegna ses emprim pled sco novelegì president en ses domicil a Wilmington, Delaware. Keystone
cuntegn

In president per tuts Biden: «Unir e betg sparter»

Suenter l’elecziun èn il novelegì president Joe Biden e sia vicepresidenta Kamala Harris sa drizzads a la populaziun. Il pievel haja decis. Els hajan gudagnà cleramain l’elecziun, ha ditg Biden a Wilmington, Delaware. El veglia esser in president ch’uneschia e betg spartia. El na vesia betg stadis cotschens (republicans) u blaus (democrats), sulettamain ILS Stadis Unids.

video
Joe Biden: «Jau vi esser in president per tuts Americans»
Or da News-Clip dals 08.11.2020.
laschar ir

«In nov di per America»

Kamala Harris ha engrazià als votants e discurrì dad in «nov di per America». Ins na dastgia betg prender la democrazia sco garantida. La democrazia na saja betg in stadi, mabain in act. Ils votants sajan sa decis per speranza ed unitad, maniera, scienza e vardad. Malgrà ch’ella saja l’emprima dunna en quest uffizi, na vegnia ella betg ad esser la davosa.

video
Kamala Harris: «La democrazia n'è betg garantida»
Or da News-Clip dals 08.11.2020.
laschar ir

Cumbat cunter corona

Strusch ch’el è vegnì proclamà sco nov president dals Stadis Unids, ha Joe Biden gia annunzià in’emprim act uffizial en il cumbat cunter il coronavirus. Sco medias rapportan, veglia el gia damaun preschentar ina gruppa d’experts che duaja franar la pandemia. Il gremi duaja sa cumponer da 12 persunas.

Donald Trump è anc enfin mez schaner en uffizi. Biden aveva dentant gia declerà avant sia elecziun, ch’el vegnia immediat a cumenzar cun il cumbat cunter la pandemia.

Ils Stadis Unids èn il pajais il pli pertutgà dal coronavirus insumma. En ils Stadis Unids datti tenor indicaziuns uffizialas mintga di passa 100'000 novas infecziuns. Fin uss èn passa 9,9 milliuns persunas s'infectadas e passa 237'000 persunas mortas pervi da Covid-19.

video
Il cumbat cunter corona ha prioritad
Or da News-Clip dals 08.11.2020.
laschar ir

Trump na conceda betg sia terrada

Entant ha il president en uffizi, Donald Trump, suttastritgà sin Twitter da betg acceptar il resultat da l’elecziun. El discurra vinavant da fraud electoral e da vuschs illegalas. Quai dentant senza furnir x in mussament.

Er aderents da Trump n'èn betg pronts dad acceptar il resultat da l'elecziun. En pliras citads èn els ids sin via per demonstrar cunter quel.

video
Aderents da Trump protestan cunter resultat
Or da News-Clip dals 08.11.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga