Siglir tar il cuntegn

Header

cuntegn

Exteriur Ina burgamestra per Roma

Grond success per il moviment populistic «Movimento 5 Stelle en l'Italia». Tar l'elecziun decisiva a Roma ha Virginia Raggi gudagnà cleramain. Gia suenter l'emprima calculaziun ha ses contrahent Roberto Giachetti dà tiers sia terrada.

Enquistas suenter las elecziuns fan allusiun sin ina victoria surprendenta. Raggi pudess survegnir fin 67,5% da las vuschs. Ella è sin buna via da daventar emprima burgamestra da la chapitala taliana. L'advocata da 37 onns valeva sco gronda favurita per las elecziuns communalas a Roma.

Surpraisa a Torino

purtret da Chiara Appendino
Legenda: Chiara Appendino gudogna probabel l'elecziun sco burgamestra da Torino. Keystone

Era a Torino pudess quai dar ina victoria per la partida che Beppe Grillo ha fundà il 2009 sco iniziativa da protest. L'interprendidra da 31 onns, Chiara Appendino, survegn suenter las emprimas calculaziuns 56,7% da las vuschs e gudogna uschia cunter il burgamester en uffizi Piero Fassino.

Terradas per Renzi

Per Matteo Renzi èn las perditas a las elecziuns communalas a Roma e Torino pitras terradas. Er a Napoli hai dà ina clera victoria per Luigi De Magistris ch'è vegnì reelegì cun 67% da las vuschs senza il sustegn da Renzi. Ed er a Triest perda il candidat da sia partida democratica PD. A Milaun e Bologna han gudagnà mo stgarsamain ils candidats da la partida PD.

Las elecziuns valan er sco test d'atmosfera per la regenza dal primminister Renzi.

RR novitads 06:00

Artitgels legids il pli savens