Siglir tar il cuntegn
cuntegn

Exteriur «Ina decisiun dal cor u dal chau»

Las debattas enturn Brexit na sajan betg ina dumonda da la vegliadetgna u dal status - mabain dal cor u dal chau. Quai di Anna Lee-Famos ch'abita dapi 55 onns a Londra.

Il maletg mussa Anna Lee-Famos davos sia chasa a Hampstead, Londra
Legenda: Anna Lee-Famos ha bain gugent sch'i gira adina insatge - ella giauda dentant er il temp en ses curtgin. RTR/nc

La dumonda sche la Gronda Britannia duai restar en l'Uniun Europeica u sortir vegnia discutada dapertut, raquinta Anna Lee-Famos. E blers na sappien anc betg tge votar gievgia perquei ch'els hajan pers la fiduzia en ils politichers ed ils experts e sajan confus da tut las statisticas ed ils arguments pro e contra.

Blers han tema da perder lur identitad e lur autonomia cun restar en l'UE.
Autur: Anna Lee-Famosabitescha dapi 55 onns a Londra

La fin finala saja quai ina dumonda dal cor u dal chau. Il cor veglia sortir da l'Uniun Europeica ed il chau veglia restar tar il status quo. Anna Lee-Famos, che returna adina puspè gugent a Tschlin, na va betg a votar. Ella haja il pass svizzer e mai vulì il pass britannic.