En la chapitala da la Croazia, Zagreb, han dus terratrembels chaschunà dumengia a bun'ura gronds donns. Almain ina persuna saja morta e dunsainas da persunas sajan blessadas, rapportan medias bosniacas.
Quadrels sajan crudads giu dals tetgs, fatschadas hajan survegnì sfessas, mirs sajan crudads ensemen ed autos sajan sepulids sut las ruinas. Era la catedrala en il center da Zagreb saja donnegiada.
Tenor l’observatori da terratrembels europeic han ils terratrembels gì ina fermezza da 5,3 e 5,0.