Inauguraziun Gottard – senza Tusk, Juncker e Schulz

Ils 3 represchentants da l’Uniun europeica èn sa perstgisads per motivs da temp. Uschia vegn il tunnel da basa dal Gottard inaugurà senza represchentants d'aut rang da l'Uniun europeica.

In minier cun la statuada la sontga Barbara. Bild in Lightbox öffnen.

Legenda da maletgs: Senza ils pli auts - il tunnel da basa dal Gottard vegn inaugurà senza represchentants d'aut rang da l'Uniun europeica. Keystone

La cumissaria dal traffic Violeta Bults vegn ad esser la represchentanta la pli auta da l'UE, rapporta la NZZ am Sonntag. Il president dal cussegl da l'UE Donald Tusk, il president da la cumissiun da l'UE Jean-Claude Juncker e il president dal parlament da l'UE Martin Schulz èn sa perstgisads per motivs da temp.

Per blers politichers svizzers fissi però stà in bel simbol sche l'elita da l'UE fiss stada da la partida.

RR novitads 09:00