Blessads n'haja dà nagins tar l'incendi. Quai ha confermà l'administraziun dal museum. Cura ch'il fieu è rut ora, era il museum gia serrà. Tenor medias localas pudess la gronda part dals 20 milliuns exponats dentant esser vegnida destruida u donnegiada.
Impurtanza surregiunala
ll museum naziunal ch'i dat dapi il 1892 è il pli vegl dal pajais sidamerican. El vala sco in dals museums ils pli impurtants en l'America dal Sid. Dasper exponats regiunals posseda il museum er mumias or da l'Egipta, statuas grecas ed artefacts etruscs.
Il president brasilian Michel Temer ha ditg che l'incendi haja destruì 200 onns lavur e savida.
RR novitads 06:00