Siglir tar il cuntegn

Exteriur Incendis a Neu Delhi ed a Prag

En l'India è in deposit da plastic ars. Almain 17 persunas èn mortas. Ed en la Tschechia en almain duas persunas mortas pervia d'in incendi d'in hotel.

Polizia davant il deposit ch'ha ars.
Legenda: La polizia da Neu Delhi stat guardia davant l'edifizi ch'ha ars. Keystone

En la vischinanza da la chapitala da l'india Neu Delhi han almain 17 persunas pers la vita tar in incendi d'in deposit da plastic. Tenor las autoritads èn radund 24 lavurers vegnids serrads en da las flommas. Il destin dals ulteriurs lavurers n'è per il mument betg enconuschent.

Pir il november eran 13 persunas mortas pervi d'in incendi en ina fabrica da plastic en il nord da l'India.

Arsa d'in hotel a Prag

Ed en Prag en la Tschechia è in hotel ars. duas persunas èn mortas e tozzels sajan vegnidas blessadas. Davart la naziunalitad da las duas unfrendas n'ha la polizia anc fatg naginas indicaziuns.

RR novitads 06:00