- En il nord da la California furian plirs incendis.
- Almain 17persunas èn mortas. Pliras èn sparidas.
- 20'000 abitants han stuì bandunar lur chasas en las regiuns periclitadas.
- Il guvernatur Jerry Brown ha proclamà il stadi d'urgenza per las regiuns Napa, Sonoma e Yuba.
Fermamain pertutgads dals incendis da guaud èn ils territoris da vin Napa e Sonoma Valley. Las autoritads discurran fin uss dad almain 17 unfrendas. Tozzels da persunas hajan tissientadas da fim.
Tenor indicaziuns uffizialas èn passa 100 persunas vegnidas blessadas. Passa 2’000 bajetgs sajan ars. Radund 400 pumpiers cumbattan las flommas. Vitiers vegnian anc 4’000 schuldads, sanitaris e voluntaris. Quai rapport l’emettur CNN.
Il president american Donald Trump discurra d’ina tragedia ed ha empermess agid immediat als pertutgads.
Dapi dumengia saira sajan passa 46’500 hectaras terren vegnidas destruidas. Las ultimas emnas sajan stadas fitg sitgas en las regiuns pertutgadas.
RR novitads 09:00