Siglir tar il cuntegn

Exteriur Incendis da guaud en Svezia furieschan

En Svezia èn incendis da guaud cumplettamain ord controlla, quai pervi da la setgira en il pajais.

Purtet d'in guaud ch'arda.
Legenda: En Svezia èn ils incendis da guaud cumplettamain ord controlla. Keystone

Passa 40 fieus datti en guauds en l'entir pajais pervi da la chalira e la setgira, quai tenor la centrala d'urgenza. La notg passada èn plirs vitgs vegnids evacuads, ulteriurs sajan en privel ha rapportà il radio svedais. Las autoritads han dumandà auters pajais per agid. L'Italia e la Norvegia han gia tramess aviuns e helicopters per stizzar. La Frantscha ha tramess dus aviuns da stizzar ch'èn anc da viadi.

Il mument sa derasa il fieu a moda fitg svelta. Dapi emnas n'hai betg pli pluvì en il pajais. Mesemna aveva il servetsch d'aura da la Svezia dà ora in'ulteriur avertiment da chalira, perquai ch'i na dat er ils proxims quatter fin tschintg dis nagina plievgia.

Nagins agens eroplans per stizzar

Ils incendis mettan pli e pli fitg er sut squitsch la regenza Svedaisa. La partida d'opposiziun conservativa ha crititgà che la Svezia consista da 70% guaud, n'ha dentant sezza nagins aviuns da stizzar.

RR novitads 12:00