Als pumpiers en Grezia èsi gartegià da survegnir sut controlla in incendi da guaud en l'ost da la chapitala Athen. La notg avevan ils pumpiers pudì evitar che las flommas cuntanschian territori abità. Mardi a bun’ura hajan aviuns e helicopters sustegnì las lavurs da stizzar.
En Grezia han ils pumpiers suvegnì sut controlla in incendi da guaud en l'ost da la chapitala d'Athen. La notg è vegnì evità che las flommas cuntanschian territori abità. Quai ha communitgà la protecziun civila. L'incendi era rut or il glindesdi en vischinanza d'ina regiun da vacanzas, radund 45 kilometers davent dad Athen. La raschun n'è anc betg enconuschenta.
En bunamain l'entira Grezia resta il privel d'incendis da guaud era ils proxims dis grond.
