Siglir tar il cuntegn

Header

In biro dal ministeri.
Legenda: Il ministeri per la protecziun da la patria è persvadì dad attatgas da hackers sut egida russa. Keystone
cuntegn

Exteriur Inculpaziuns americanas envers la Russia

Il tun tranter las duas naziuns è vegnì pli giz: Sin l’inculpaziun uffiziala dals Stadis Unids a la Russia dad esser responsabla per las attatgas da hackers sin burgais americans e sin organisaziuns politicas segua il dementi russ.

Ils servetschs secrets americans sajan persvadids - che la regenza russa haja organisà las attatgas sin e-mails da persunas ed instituziuns americanas. Quai scrivan il ministeri per la protecziun da la patria ed il directur dals servetschs secrets naziunals en ina decleraziun. Cun las acziuns veglia la Russia influenzar las elecziuns americanas.

La Russia refusa las inculpaziuns americanas sco pustracca. Tenor il vice-minister da l’extern russ Sergei Ryabkow haja la Russia danovamain offrì als Stadis Unids da s’accordar pertutgant la cyber-criminalitad.

Tenor l’agentura da novitads Reuters vegnian valitadas las inculpaziuns avertas da vart americana envers la vart russa sco ulteriur mussament, che la tonalitad tranter las duas naziuns saja vegnida pli gizza.

RR novitads 07:00

Dapli da Exteriuravrir la Landingpage

Nach links scrollen Nach rechts scrollen