Siglir tar il cuntegn

Header

Navigaziun

cuntegn

Independence day Trump lauda fermezza dals Stadis Unids

Il president american ha nizzegià las festivitads al di d'independenza per ina demonstraziun militara. En ses pled al di da la festa naziunala ha Donald Trump ludà la fermezza dals Stadis Unids.

La naziun saja uschè ferma sco anc mai, ha el ditg durant in act festiv a Washington. Per ils Americans saja tut pussaivel. Sco exempel ha il president numnà la tschentada sin la glina avant 50 onns. Bainprest vegnian ils Americans er a trair si ina bandiera sin il Mars, ha empermess Trump. Plinavant ha el er ludà las truppas americanas.

«Independence Day»

Personen-Box aufklappenPersonen-Box zuklappen

Ils 4. da fanadur festiveschan ils Stadis Unids la decleraziun d’independenza dal pajais ils 4. da fanadur 1776. Il congress aveva da quest temp declerà che las 13 colonias americanas, na tutgian betg pli a la monarchia da la Gronda Britannia è sajan davent da quest di unidas, libras ed independentas. La decisiun aveva il congress gia tutgà dus dis avant, ils dus da fanadur, la decleraziun è dentant pir vegnida fatga ils 4.

Critica envers festa pumpusa

Critichers renfatschan a Trump d'avair politisà e militarisà las festivitads. A l'entschatta da las festivitads ha il president american laschà sgular ina Boeing 757 sur Washington or. Silsuenter hai da plirs sursgols da helicopters e aviuns da cumbat.

Durant ch'ils aderents dal president han beneventà la demonstraziun da pussanza, renfatschan adversaris a Trump da sfarlattar daners da taglia. Plinavant han activists crititgà che Trump mettia sia atgna persuna en il focus da la festa naziunala.

RR novitads 06:00