Siglir tar il cuntegn

Header

cuntegn

Exteriur India: «Las mendras inundaziuns dapi 100 onns»

Il stadi da Kerala en il sid da l'India cumbatta tenor la regenza cun las pli devastantas inundaziuns dals ultims 100 onns. 80 rempars sajan ruts, 324 persunas sajan mortas.

80 rempars sajan sfratgads - 324 persunas sajan mortas, ha communitgà il schef da la regenza da Kerala Pinarayi Vijayan via Twitter. La situaziun stoppia vegnir valitada sco catastrofa naziunala, ha el pretendì. Il primminister da l'India empermess da trametter agid d'urgenza a Kerala.

En bleras citads e vitgs è l'aua creschida uschè ferm che bajetgs da 2 auzadas èn vegnids inundads. Passa 220'000 persunas hajan stuì bandunar lur chasas. Sulet il venderdi èn 82'000 persunas vegnidas salvadas. 30 helicopters militars e 400 sutmarins èn participads a las acziuns da salvament. La finamira principala saja anc adina da salvar persunas bloccadas da las auas.

La glieud a Kerala cumbatta dapi 10 dis cun extrema plievgia da monsun. La stagiun da monsun dura en l'India dal zercladur fin il settember.

RR novitads 09:00

Artitgels legids il pli savens