Sco in pledader da l'uffizi da protecziun da catastrofas ha communitgà, sajan la gronda part dals sparids ord ils quartiers destruids Petobo e Balaroa da la citad Palu.
In video da satellit ch'è vegnì publitgà da curt, mussa co in'entira part da la citad Palu è simplamain svanida en la profunditad. Radund 1'000 chasas èn stadas pertutgadas ed almain tants abitants, scrivan las agenturas da novitads.
Il venderdi avant in'emna hai dà sin l'insla Sulawesi da l'Indonesia dus ferms terratrembels suandads dad in tsunami che han fatg enormas devastaziuns. Fin uss èn almain 1'700 persunas mortas da la catastrofa.
RR novitads 12:00
