Siglir tar il cuntegn

Exteriur Indonesia – alarm pervia da vulcan Agung a Bali

Sin l’insla indonaisa Bali han las autoritads proclamà il pli aut stgalim d’avertiment. Quai suenter pliras erupziuns dal vulcan Agung.

Vulvan Agung cun fim
Legenda: Dapi mardi è il vulcan Agung puspè activ. Keystone

Tut ils abitants en in radius da 10 kilometers han stuì bandunar lur chasas, uschia las autoritads. La plazza aviatica da Bali è per 24 uras serrada. Millis da turists èn uss bloccads sin l’insla. Sco las autoritads communitgeschan, smanatscha il vulcan da rumper ora.

In privel latent

La dumengia era da vesair sur il vulcan dal Mount Agung ina pitga da fim d’ina autezza da quatter kilometers ed i pluveva tschendra. Gia il settember eran passa 130’000 persunas fugidas ord la regiun perquai ch’ins temeva ch’il vulcan rumpia ora. L'october era il vulcan puspè vegnì ruassaivel e la glieud è turnada en lur chasa. Dapi il mardi è il vulcan dentant puspè activ.

RR novitads 06:00