Siglir tar il cuntegn

Header

cuntegn

Exteriur Indonesia - chattà aviun sparì

En l'Indonesia han abitants da la provinza Papua chattà il vrac da l'aviun da passagiers ch'è sparì questa dumengia dal radar.

L'aviun cun 54 persunas a bord saja para sgulà cunter ina muntogna e crudà giu en l'ost dal stadi d'inslas. Quai ha declerà in represchentant dal ministeri dal traffic. Questas indicaziuns vegnan il mument examinadas.

L'aviun da propeller da la societad aviatica Trigana Air era partì da Papua per in sgol curt cura ch'el era sparì dal radar 10 minutas avant l'atterrament planisà.

La societad aviatica Trigana Air Service ha scumond da sgular en Svizra ed en l’UE pervi da segirezza da sgol manglusa.

RR novitads 17:00

Artitgels legids il pli savens