Siglir tar il cuntegn
Inhalt

Exteriur Indonesia: terratrembel da fermezza 7,5

L'Indonesia è vegnida tutgada dad in terratrembel en la fermezza da 7,5. L'epicenter è stà en il nord da Sulawesi. Quai rapporteschan las agenturas AFP e DPA.

Charta.
Legenda: Ina charta dad in servetsch da terratrembels american mussa: L'epicenter dal terratrembel è stà en la profunditad da 10 kilometers en il nord da Palu. https://earthquake.usgs.gov/earthquakes/eventpage/us1000h3p4#executive

Il terratrembel saja capità en ina profunditad da 10 kilometers, scriva l'observatori da terratrembels american USGS. Il center saja stà sut l'insla da Sulawesi en il nord da la citad Palu.

Il servetsch da catastrofa da l'Indonesia haja l'emprim admonì dad in tsunami, haja dentant revocà questa admoniziun suenter puspè.

Il stadi dad inslas Indonesia è situà sin il uschenumnà rintg da fieu dal pacific e cun quai en la zona geologicamain pli activa dal mund. Da là vegn adina puspè rapportà dad erupziuns da vulcans e terratrembels.

RR novitads 14:00