Exteriur - Indonesia trametta danovamain enavos bartga cun fugitivs
L'Indonesia ha danovamain refusà ina bartga cun fugitivs. La marina haja piglià giu la bartga ed infurmà ella via func ch'ella na dastgia betg vegnir en auas indonaisas communitgescha l'armada.
Gia dapi emnas emprovan millis da fugitivs da vegnir sur la mar en l'Indonesia, la Tailanda e la Malaisia. Blers appartegnan a la minoritad dals Rohingya che vegn discriminada en il Burma. Er blers auters dal Bangladesch fan il viadi privlus sur la mar sin la tschertga d’ina meglra vita.
