La fusiun dals dus concerns sto anc vegnir approvada da las autoritads da concurrenza ed er ils acziunaris ston anc ir d'accord. Tenor la communicaziun duai la fusiun vegnir realisada aifer ils proxims 12 - 15 mais.
La branscha d'autos è sut squitsch ed uschia è la fusiun nagina casualitad. Constructurs d'autos ston investir milliardas en autos autonoms e l'electromobilitad. Il nov concern fusiunà venda ad onn radund 8,7 milliuns vehichels e vegn sin ina svieuta annuala da stgars 170 milliardas euros. Sulet VW, Toyota ed il concern franzos-giapunais Renault-Nissan èn anc pli gronds.
RTR novitads 08:00