L’Uniun africana daventa commembra dals G20, la gruppa d’impurtants pajais industrials e pajais sin via d’industrialisaziun. Quai ha annunzià il primminister da l’India, Narendra Modi, a l’avertura da l’inscunter suprem a Neu Delhi.
L’Uniun africana cumpiglia 55 pajais. Grazia a sia commembranza survegn ella il medem status sco l’Uniun europeica ch’è fin uss stada la suletta organisaziun regiunala da la gruppa. L’inscunter suprem G20 dura dus dis. Temas èn tranter auter la guerra en l’Ucraina e la protecziun dal clima.
Part a l'Uniun africana fan 55 pajais. Quai èn tut ils pajais africans ch'èn renconuschids internaziunalmain ed er il pajais Sahara dal vest, quel è contestà dal dretg internaziunal. L'uniun represchenta uschia bun 1,3 milliardas persunas.
