Ils presidents dals 19 pajas dal euro en s'inscuntrads en ina seduta extraordinaria per discurrer sur da la Grezia. Suenter quatter uras discurs en las tractativas a fin. La gruppa dal euro vul che la Grezia preschentia in plan da refurma credibel. In tagl dals debits, sco giavischa da la Grezia, han ils stadis dal euro dentant anc refusa.
Sco il prim-minister talian Matteo Renzi ha conferma vegnia dumengia proxima tut ils 28 stadis commembers da l'UE a s'inscuntrar per discutar las propostas.
La Grezia vegn a dumandar, il pli tard damaun, per in credit ord il fond d’urgenza dal euro, quai ha ditg il schef da la gruppa dal euro Jeroen Dijsselbloem. In represchentant da la regenza grecca ha ditg che la Grezia vegnia a preschentar ina soluziun intermediara per il mais da fanadur. Alura duai dar ina soluziun a lunga vista.
Sco la chanceliera tudestga Angela Merkel ha accentuà na vegnia quai betg pli durar emnas enfin ch'ins haja chattà ina soluziun en la crisa da debits cun la Grezia.
RR Novitads 23:00