In inscunter istoric vegn Papa Francestg ad avair venderdi che vegn, cura ch'el s'entaupa cun il patriarc russ-ortodox Kirill.
Sin ses viadi a Mexico vegnia Papa Francestg a far ils 12 da favrer 2016 in stop sin la Cuba, communitgescha il Vatican. A l'eroport vegnian il papa ed il patriarc l'emprim ad avair in discurs persunal. Silsuenter publitgeschian els ina decleraziun cuminaivla.
Quai vegn ad esser l'emprim inscunter d'in manader da la baselgia catolic-romana cun in manader da la baselgia russ-ortodoxa dapi che Moscau è daventà avant 450 onns in patriarcat.
RR novitads 14:00
