Siglir tar il cuntegn

Header

video
COP26 a Glasgow
Or da Tagesschau dals 31.10.2021.
laschar ir. Durada: 2 minutas 21 Secundas.
cuntegn

Inscunter suprem a Glasgow La destrucziuns dals guauds duai vegnir franada

Dapi dumengia ha lieu il segund di da l'inscunter mundial dal clima a Glasgow, en la Scozia. A quest inscunter discuteschan radund 200 represchentantas e represchentants, co reducir las emissiuns da gas cun effect da serra en quest decenni.

Passa 100 schefs da stadi e da regenza a la conferenza mundiala davart il clima a Glasgow veglian la destrucziuns dals guauds duai vegnir franada – sco il pajais ospitant, la Gronda Britannia, ha communitgà.

85 pertschient da la surfatscha globala dals guauds èn sin intschess da quests pajais che vulan far frunt a la destrucziun dals guauds, tranter auter l’entira Uniun europeica, il Canada, la Russia, la Brasilia, l’Indonesia ed er la Svizra. Per cuntanscher questa finamira, duajan fin l'onn 2025 vegni duvrads varga 19 milliardas dollars – quai dal maun public, mo er d’investiziuns privatas. Ordavant ha il president da la Confederaziun admonì che las stentas actualas per ademplir las finamiras da la Cunvegna da Paris na tanschian betg. El ha pretendì da tuttas terras dal mund finamiras pli ambiziusas en connex cun il clima.

audio
Inscunter suprem a Glasgow – per tge vai?
ord Actualitad dals 01.11.2021.
laschar ir. Durada: 5 minutas 21 Secundas.

Duas emnas deditgadas al clima

La conferenza, era numnada COP26, vegn a cuzzar duas emnas. Represchentants e represchentantas da 197 stadis, tranter els era il president american Joe Biden e la chanceliera tudestga Angela Merkel, vegnan a discutar davart l'urgenza da success en il cumbat cunter la midada dal clima. Las consequenzas da l'augment da la temperatura valan malgrà l'augment da sitgiras, inundaziuns e stemprads gist anc sco dumagnabel.

Il num COP26

Avrir la box Serrar la box

COP è la scursanida per «Conference of the Parties» dals stadis contrahents da la convenziun dal clima da l'ONU. La convenziun è vegnida decidida l'onn 1992. Dapi lura ha mintg'onn lieu ina conferenza per trair bilantscha e da discutar davart ils proxims pass. A Glasgow ha lieu la 26avla conferenza. Perquai il num COP26.

Finamiras

Tar la cunvegna a Paris, l'onn 2015, èsi vegnì decidì ch'ils pajas lessian uss far tut per limitar il stgaudament dal mund sin 1,5 grads. Ussa, sis onns pli tard, stoi vegnir mussà a Glasgow sch'ils pajas èn sin buna via u betg. Tenor la cunvegna da Paris, avessan ils pajais gì da trametter lur plans e mesiras per proteger il clima avant l'inscunter a Glasgow. Singuls pajais han tramess lur concepts, blers dentant betg.

Ussa è la finamira da stabilisar il stgaudament dal mund sin sut 2 grads. Enfin cura che quai duai capitar e co exact ch'ins vul realisar quai, vegn decidì durant l'inscunter.

Las mesiras concretas mancan

Enfin il 2035 stuessan las emissiun da gas vegnir reducidas per la mesadad e 20 onns pli tard n'astgassi dar insumma naginas emissiuns da gas nuschaivels pli. Dentant n'è negin pajais sin quest curs, n'era la Svizra betg. La midada davent d'energia fossila, sco charvun, gas u ieli, sin energias regenerablas sco forza idraulica u forza dal vent, na va betg uschè svelt sco giavischà. Glasgow duai uss purtar nov schlantsch per midadas.

video
COP26: 5 dumondas
Or da Giuventetgna dals 01.11.2021.
laschar ir. Durada: 1 minuta 38 Secundas.

RTR novitads 06:00

Artitgels legids il pli savens