Il termin saja vegnì fixà tar in'inscunter a Moscau cun il cussegliader da segirezza american John Bolton. Quai ha communitgà il Kreml. Trump ha ditg ch'el veglia discutar cun Putin davart la Siria e la situaziun en l'Ucraina. Plinavant veglia el s'engaschar per ina meglra relaziun cun la Russia.
La relaziun tranter las duas pussanzas atomaras è tendida. Quai tranter auter perquai che la Russia duaja avair influenzà il cumbat electoral en ils Stadis Unids.
RR novitads 06:00
