Siglir tar il cuntegn

Header

La bandiera dal Cosovo.
Legenda: Ina bandiera dal Cosovo avant il parlament a Pristina. Reuters
cuntegn

Exteriur Integraziun da Serbs en Cosovo è bloccada

La dretgira constituziunala dal Cosovo ha il mument suspendì la cunvegna per integrar la minoritad serba dal Cosovo. La cunvegna è il punct central da las tractativas tranter ils vischins dischunids Cosovo e Serbia sut l’egliada da l’Uniun europeica.

Il contract restia schelà en enfin che la dretgira ha decis sur da la legitimitad constituziunala, ha ditg in dals derschaders a Pristina. Ina sentenza da la dretgira po cuzzar blers mais.

Opposiziun cumbatta la cunvegna

Gia dapi mais cumbatta l’opposiziun naziunalista la cunvegna en il parlament cosovar. Ella boicottescha ils represchentants parlamentars u disturba sesidas cun gas lacrimogen. L’opposiziun è da l’avis che la cunvegna vegnia a separar il stadi.

En il Cosovo vivan per gronda part Albanais, sulettamain ina minoritad è Serbs. La cunvegna duai dar als Serbs dapli autonomia.

RR novitads 06:00

Artitgels legids il pli savens

Scrollar a sanestra Scrollar a dretga