Siglir tar il cuntegn

Header

Navigaziun

In maun en ina stanza da servers.
Legenda: Intelligenza artifiziala è per ina gronda part dals dumandads ina tecnologia che fa starment. Keystone
cuntegn

Intelligenza artifiziala Studi dal WEF mussa – mesadad da las persunas èn scepticas

En ina retschertga dal WEF han respundì 48% da vulair controllar pli rigurus l'intelligenza artifiziala IA.

La retschertga da la fundaziun dal Forum mundial d'economia WEF, a la quala passa 20'000 persunas da 27 pajais èn sa participadas online, mussa ch'ina maioritad relativa da 48 % è da l'opiniun che interpresas che sviluppeschan u fan diever da sistems d’intelligenza artifiziala stuessan vegnir controlladas e reguladas pli strict che oz. 19 % vulan perfin scumandar tut il diever da l’intelligenza artifiziala.

Mo pitschnas differenzas

Tenor la fundaziun dal WEF mussan il studi plinavant in resultat remartgabel: Numnadamain ch'i dettia, auter che quai ch'ins avess spetgà, mo pitschnas differenzas da las opiniuns sch'ins differenziescha tenor vegliadetgna, schlattaina, gudogn u era livel d'educaziun. La repartiziun dal dumber da persunas scepticas saja dapertut pli u main tuttina.

RR novitads 17:00