Siglir tar il cuntegn

Header

cuntegn

Intermediatur da transports Uber annunzia 6'000 abus sexuals en l'USA

A l'intermediatur da servetschs da transport UBER èn vegnids annunziads ils dus onns passads var 6'000 cas da violenza sexuala – quai sin enturn 1,3 milliardas viadis en ils Stadis Unids. En tut haja dà durant quel temp bun 460 violaziuns e 600 emprovas da violaziun. Ils ulteriurs cas sajan stads contacts corporals nunlubids u bitschergnims. Per gronda part èn dunnas sco passagieras stadas unfrendas dals abus sexuals. 7% da las unfrendas sajan stads chauffeurs. Questas cifras resultan d'in rapport che Uber ha publitgà la gievgia.

Uber accentuescha tuttina en ses rapport che 99,9% da tut ils viadis sajan stads senza incaps. L'intermediatur da transports haja ils ultims onns introducì diversas mesiras per augmentar la segirezza dals passagiers ed er refusà 44'000 chauffeurs.

Ord l'archiv:

video
Uber - in servetsch da taxi dispitaivel
Or da Minisguard dals 18.02.2017.
laschar ir. Durada: 3 minutas 24 Secundas.

RR novitads 06:00

Artitgels legids il pli savens