Siglir tar il cuntegn

Header

barras d'aur
Legenda: Ils martgads da finanzas tendeschan d'investir en aur, uschia ch'il pretsch crescha. Keystone
cuntegn

Exteriur Investiders fuin en l'aur - il pretsch crescha

Ils ristgs en l'entir mund laschan cumprar aur ils investiders als martgads da finanzas. Il mardi è il pretsch d'aur creschì sin il pli aut nivel dapi il november 2015.

Ina unza fina (31,1 gr) aur ha custà radund 1'130.- francs. Quai è radund 13 francs dapli che glindesdi. Il motiv per investir dapli en aur èn ils pretschs bass d'ieli sco era signals nauschs dals martgads da finanzas.

La notg sin mardi era il pretsch dad ieli puspè crudà sut 30 dollars americans pro barrel (~160 liters), e las bursas tendevan negativ. Quai vala surtut per l'Asia. Ultra da quai quintan ils economs che la Banca centrala europeica bittia puspè dapli daners en ils martgads. Ina tala politica monetara sminuescha tendenzialmain las renditas, uschia ch'ils investurs tendeschan tar valurs realas - sco per exempel l'aur.

RR novitdas 10:00

Artitgels legids il pli savens

Scrollar a sanestra Scrollar a dretga