Exteriur - IOC n’excluda betg la Russia dals gieus olimpics
Suenter il scandal da doping massiv n'ha il Comité olimpic internaziunal (IOC) anc betg decis schebain ils atlets russ dastgan sa participar als gieus olimpics a Rio u betg. El vul spetgar la sentenzia dal tribunal internaziunal da sport, avant da decider.
L'IOC ha però decis mesiras provisoricas: Tranter auter na dastgan naginas persunas uffizialas dal ministeri da sport russ ir als gieus olimpics. Plinavant n'organisescha l'IOC naginas occurrenzas da sport en Russia. Tenor in nov rapport ha Moscau surveglià sur onns manipulaziuns da doping e laschà svanir emprovas positivas.
