Exteriur - Irac – offensiva per reconquistar Falludscha
Las truppas da la regenza vulan reconquistar la citad controllada dal Stadi islamic. Quai ha confermà il primminister Haider al-Abadi en la televisiun statala.
Ils Stadis Unids sustegnian las truppas iracaisas. Falludscha è radund 60 kilometers en il vest da la chapitala Bagdad. Il Stadi islamic aveva occupà Falludscha il 2014.
A las truppas iracaisas gartegi da reconquistar adina dapli territoris l’ultim temp – sco per exempel er la citad da Rutba en il vest dal pajais.
