Siglir tar il cuntegn

Header

cuntegn

Exteriur Iran: Ils Stadis Unids pretendan sesida urgenta

En vista a las protestas en l'Iran pretendan ils Stadis Unids ina sesida d'urgenza dal Cussegl da segirezza da l'ONU.

Tant en il Cussegl da segirezza a New York sco era en il Cussegl per dretgs umans a Genevra stoppian ins tematisar las arrestaziuns ed ils morts en connex cun las protestas en l'Iran. Quai pretenda Nikki Haley, l'ambassadura americana tar las Naziuns Unidas.

Las Naziuns Unidas ston dir lur opiniun.
Autur: Nikki Haley Ambassadura dals Stadis Unids

Ils ultims sis dis èn almain 21 persunas vegnidas mazzadas tar las protestas violentas. Sulettamain èn la chapitala Teheran sajan passa 450 persunas vegnidas arrestadas. Quai han communitgà las autoritads. I sa tracta da las protestas las pli grevas dapi l'onn 2009.

Demonstraziuns per e cunter il reschim iranais

Suenter protestas da plirs dis cunter il reschim – che cuntinueschan anc adina – ha la regenza sezza entant organisà cuntrademonstraziuns che duain demussar il sustegn per la regenza. Tenor la televisiun statala «Irib» sajan pliras tschientmilli persunas idas sin via per mussar lur solidaritad cun la regenza.

RR novitads 10:00

Artitgels legids il pli savens