En l’Iran ha il servetsch secret tenor atgnas indicaziuns impedì in’attatga da cyber sin in’ovra atomara. Sco l’agentura da novitads Tasnim rapporta, avess l’attatga duì succeder l’emna proxima en il sid da la chapitala Teheran. L’onn passà hai dà pliras attatgas da hackers sin ovras atomaras. L’Iran fa responsabel l’Israel per tut quels acts da sabotascha. La regenza israeliana pretenda che l’Iran lavuria vid ina bumba atomara. Teheran refusescha questas renfatschas.
La dumengia ha l'Iran era sa declerà responsabel per l'attatga da rachettas sin la citad Erbil en l'Irac. La mira saja stà ina basa dal servetsch secret israelian. L'attatga saja stada ina reacziun sin las attatgas en la Siria d'avant in'emna. Là en dus uffiziers da las gardas revoluziunaras dal Iran vegnids mazzads. L'Iran fa responsabel l'Israel per questas attatgas.