Vinavant ha el ditg ch’ils Stadis Unids da l’America sajan pli dependents d’ina cunvegna che l’Iran. Il motiv per questa reacziun è ina decleraziun dal president american Barack Obama. El ha ditg ch’ina acziun militara per schliar la dispita d’atom cun l’Iran na vegnia betg exclusa.
Cuntinuar a Vienna
L’emna proxima duajan las contractivas d’atom tranter ils 5 stadis da Veto da las Naziuns Unidas e la Germania cun l’Iran vegnir cuntinuadas cun experts a Vienna. Sch’i vegn a Vienna er tar ina sentupada dals ministers da l’exteriur dals set stadis n’è anc betg cler. La cunvegna d’atom duai esser sut tetg la fin da zercladur.
RR novitads 16:00