Siglir tar il cuntegn
Inhalt

Exteriur Irlanda: Gerry Adams sa retira dal presidi

Al di da partida a Dublin ha Gerry Adams, il schef da la partida catolica Sinn-Fein, annunzià sia demissiun. Quai rapportan pliras agenturas da novitads. Adams è sta 34 onns en uffizi.

Portrait da Garry Adams cun mauns en l'aria.
Legenda: Gerry Adams durant ses pled nua ch'el ha annunzià sia retratga. Keystone

Il politicher da 69 onns na stettia betg pli a disposiziun per in'ulteriura perioda d'uffizi, ha el annunzià a Dublin. Manar muntia vesair il temp per ina midada e quest temp saja uss, ha ditg Adams al di da partida da la Sinn Fein a Dublin. La Sinn Fein vala sco partida da referiment da la chaussa republicana en la communitad catolica da l'Irlandia dal Nord.

La decisiun na vegia betg nunspetgadamain, scriva l'agentura da novitads svizra SDA. L'onn che vegn duai eleger il congress da la partida Sinn Fein la successiun da Gerry Adams.

RR novitads 09:00