Siglir tar il cuntegn

Header

cuntegn

Exteriur «Irma» ha cuntanschì la Florida – milliuns senza forza electrica

Suenter grondas devastaziuns ed inundaziuns sin la Cuba ha il hurican "Irma" cuntanschì il sid da la Florida.

Hurican "Irma" ha cuntanschì il sid da la Florida

Cun ina forza destructiva immensa ha il hurican Irma cuntanschì dumengia il sid da la Florida. Il stemprà da la segund'auta categoria ha procurà che 1,3 milliuns persunas èn senza electricitad, quai annunzian ils concerns d'energia. Tenor la polizia han fin uss almain 3 persunas pers la vita en accidents da traffic pervia dal hurican. Grondas parts da la citad da Miami stattan sut aua.

Gronds donns lascha "Irma" enavos sin la Cuba

Anc avant era il stemprà fugà sur la Cuba. Surtut la provinza Villa Clara è stada pertutgada d'inundaziuns. Da quai da 40milli abitants han stuì passentar la notg en alogis d'urgenza.

«Irma» uschè gronda sco il Texas

Il hurican pudess furiar cun ina spertezza da fin 257 kilometers sur la gruppa d’inslas «Florida Keys». Per l’entira costa dal sid da la Florida, da l’Atlantic fin tar il Golf da Mexico avertescha il servetsch meteorologic dad undas da fin 3 meters autezza. Il stemprà ha la grondezza dal stadi federativ Texas – e vala puspè sco stemprà da la categoria 5.

Cuba cun evacuaziun da plirs 100'000 persunas

Bratschs dal hurican «Irma» han cuntanschì il venderdi la Cuba. I haja dà inundaziuns ed undas da passa 4 meters autezza. 100'000 da persunas èn vegnidas evacuads. Il center dal hurican duai cuntanscher la Cuba la sonda.RR novitads 09:00

Artitgels legids il pli savens