Siglir tar il cuntegn
Inhalt

Exteriur Irritaziuns davart manader pussaivel dal putsch

L'anteriur schef da l'aviatica militara tirca Akin Öztürk dementescha rapports da medias, ch'el haja confessà d'esser sa participà a l'emprova da putsch.

Akin Öztürk
Legenda: Akin Öztürk duai avair confessà sia participaziun a l'emprova a cupitgar la regenza tirca. Keystone

El na saja nagin che planiseschia e timuneschia in putsch militar, uschia citescha l'emettur privat CNN Türk Öztürk tar sia disposiziun avant la procura publica. Curt avant aveva l'agentura da novitads statala però annunzià ch'il general haja confessà d'avair agì cun l'intenziun da far in putsch.

Öztürk era vegnì arrestà suenter che l'emprova da cupitgar la regenza era vegnida stenschentada. Cunter el era vegnì proclamà in cumond d'arrest. Il general tutgava fin tar l'emprova da putsch tar il cussegl suprem dal militar.

RR novitads 22:00