IS destruescha Nimrud

La gruppa da terror Stadi Islamic ha publitgà in video che mussa la destrucziun da las runias da la citad antica Nimrud en il nord da l'Irac.

Ruinas da la citad antica Nimrud. Bild in Lightbox öffnen.

Legenda da maletgs: Ruinas da la citad antica Nimrud. Keystone

En il video èsi da vesair co ch'ils dschihadists rollan bumbas en ina chombra cun statuas da divinitads assirianas. Silsuenter mussa la camera ina vehementa explosiun. Ils commembers dal Stadi islamic han plinavant sa laschà filmar co ch'els destrueschan plattas da crap anticas cun matels.

Davart la destrucziun da Nimrud era vegnì rapportà l'entschatta mars, la dimensiun da quella n'era però anc betg enconuschenta.

RR novitads 12:00