Siglir tar il cuntegn

Header

cuntegn

Islanda Chattà 50 balenas pilotas crappadas

Sin ina tura cun helicopter ha ina turista americana filmà la gievgia tozzels da cadavers da balenas sin ina splagia isolada en il nord da la chapitala Reykjavik. La turista ha silsuenter infurmà la polizia. Quai rapporta l'emettur da radio da l'Islanda. Daco ch'ils animals èn sa tschentads en massas sin la splagia e quant ditg ch'els giaschan gia là n'è betg cler.

Plirs motivs per questa tschentada

Balenas pilotas tutgan tar la famiglia dals delfins. Tenor ina biologa da la mar èn las balenas pilotas animals da triep cun ferms lioms socials che restan savens ensemen cun dals lur. Ultra da quai dettia en questa regiun ferms currents ed il fund da la mar saja là era fitg bass. Sch'els sajan lura datiers da la riva saja quai fitg grev per ils animals da nudar enavos en la mar averta.

RR novitads 14:00

Dapli da Exteriuravrir la Landingpage

Nach links scrollen Nach rechts scrollen