Siglir tar il cuntegn

Header

video
President da l'Islanda è vegnì reelegì
Or da Tagesschau dals 28.06.2020.
laschar ir. Durada: 1 minuta 3 Secundas.
cuntegn

Islanda Gudni Jóhannesson resta president

La tendenza da las ultimas uras era clera. Uss èsi definitiv.

Il president da l’Islanda Gudni Jóhannesson è vegnì reelegì cun 92,2% da las vuschs. Ses unic concurrent, il populist da dretga, Gudmundur Franklin Jonsson, aveva gia renconuschì sia sconfitta avant ch’ils resultats definitivs eran sin maisa.

Dapi il 2016 en uffizi

Ins aveva quintà cun la reelecziun da Jóhannesson. L'um da 52 onns è dapi il 2016 en uffizi e popular en l’Islanda. En Islanda vegn zunt apprezià che Jóhannesson accumpogna, malgrà ses uffizi, anc savens ses uffants a scola u ch'el prenda part ad occurenzas da sport.

La participaziun a l’elecziun è stada tar stgars 67%. Var 252'000 islandais han gì il dretg da votar.

RTR novitads 16:00

Artitgels legids il pli savens