Siglir tar il cuntegn

Header

cuntegn

Exteriur Islanda – istoricher Jóhanesson è il nov president

Suenter avair dumbrà ora ina gronda part da las vuschs è Gudni Th. Jóhanesson - ch'è senza partida - a la testa. El ha survegnir enturn 37,9% da las vuschs.

En l’atmosfera da success al campiunadi europeic da ballape dad ina ed il debachel islandais entras ils Panama-Papers da l’autra vart han ils Islandais tschernì l’istoricher Gudni Th. Jóhanesson sco president nov.

Ses antecessur Elafur Ragnar Grimsson n’ha betg candidà anc ina giada – er è stà 20 onns en uffizi. Il president da l'Islanda ha bain cunzunt incumbensas represchentativas, gioga dentant ina rolla impurtanta tar la furmaziun da la regenza.

La fiduzia dals Islandais en lur represchentants politics era vegnida scurlattada entras l’affera dals uschenumnads Panapa-Papers. En il curs da quella era il president da la regenza islandaisa, Sigmundur David Gunnlaugsson, sa retratg da ses uffizi.

RR novitads 11:00

Artitgels legids il pli savens