Sin la peninsla Reykjanes sin l'Islanda è in vulcan daventà activ. L'erupziun en il nord dal lieu Grindavik haja cumenzà, avertescha l'uffizi meteorologic da l'Islanda. Il november avevan ils abitants stuì bandunar il lieu pervi dal quità d'in'erupziun.
Las emnas avant l'erupziun actuala hai adina puspè dà terratrembels. Uss intimeschia la polizia persunas mirvegliusas da betg s'avischinar al vulcan, annunzian medias.
Il stgarp en il terren haja ina lunghezza da 3,5 kilometers, e creschia svelt. Il president da l'Islanda Gudni Johansson ha communitgà sin Facebook ch'i na saja anc betg cler quant gronds donns che l'erupziun vegnia a chaschunar.