Siglir tar il cuntegn

Header

cuntegn

Israel Partida araba vul sa retrair dal parlament israelian

En l’Israel ha la partida araba Ra’am annunzià da betg pli sustegnair la regenza dal primminister Naftali Bennett per il mument. Quai pervi da las charplinas tranter Palestinais e la polizia al Munt dal Tempel a Jerusalem ils ultims dis. La partida e ses quatter deputads han declerà che la regenza stoppia terminar ses agir arbitrar. Uschiglio vegnian els a sa retrair in corpore. Cunquai ch’il parlament, la Knesset, fa anc pausa fin la fin dal mais, n’ha l’annunzia da la partida araba naginas consequenzas directas per la coaliziun da regenza.

Sin il Munt dal Tempel a Jerusalem hai la dumengia dà confruntaziuns tranter la polizia e Palestinais. Tenor la polizia israeliana han giuvens muslims construì bloccadas per uschia impedir che Gidieus possian visitar il lieu sontg. Il Munt dal Tempel è il lieu il pli sontg dals Gidieus ma er per l’islam è el fitg impurtant, cun la moschea dad Al-Aksa. Gia il venderdi avevi dà confruntaziuns violentas. Tenor il servetsch da salvament «Mesaglina Cotschna» èn vegnids blessads passa 150 Palestinais e 3 policists.

Il munt dal tempel stat sut administraziun muslima, fertant che l’Israel è responsabel per la segirezza. Tenor ina cunvegna cun las autoritads muslimas dastgan Gidieus visitar il munt, ma betg urar là.

audio
Per tadlar: Las novitads da las 11:00
aus RTR Audio vom 18.04.2022.
abspielen. Laufzeit 2 minutas 41 Sekunden.

RTR novitads 14:00

Artitgels legids il pli savens

Scrollar a sanestra Scrollar a dretga