L'Uniun europeica ha desditg ina recepziun diplomatica en l'Israel. Cun quai protestescha ella encunter la participaziun d'in minister israelian da la dretga extrema. La desditga è ina reacziun sin l'annunzia ch'il minister da polizia israelian vul tegnair in pled a la recepziun.
Itamar Ben-Gvir è gia vegnì sentenzià pervi da polemica rassistica e sustegn d'organisaziuns terroristicas. L'UE ha declerà ch'ella na vulia betg porscher ina plattafurma ad insatgi che na partia betg la vista e las valurs da l'UE.
