Siglir tar il cuntegn

Header

Schuldà israelian sesa datiers d'in indrizs da rachetas militaras
Legenda: L'Israel survegn tant sustegn militar dals Stadis Unids sco anc mai. Keystone
cuntegn

Exteriur Israel survegn tant agid militar sco anc mai

Ils Stadis Unids da l'America an empermess a l'Israel uschè bler agid militar sco anc mai. Ina cunvegna da basa per ils onns 2019 fin 2028 prevesa in agid da 38 milliardas dollars. Quai fissan 8 milliardas dapli che la perioda da 10 onns actuala.

La summa exacta n'è betg vegnì communitgà. Il ministeri da l'exteriur ha dentant discurrì da l'agid uschè cumplessiv en l'istorgia americana. Gasettas israelianas rapportan che l'agid annual duai s'augmentar da 3 sin 5 milliardas dollars. Il primminister Benjamin Netanjahu aveva pretendì in augment marcant da l'agid. Tranter auter ha el argumentà cun la cunvegna internaziunala davart il program atomar da l'Iran.

L'agid cumpiglia tranter auter aviuns da cumbat, rachetas da defensiun e bumbas.
Il congress american sto mintgamai lubir ils pajaments annuals.

L'Israel è l'allià il pli impurtant per ils Stadis Unids en il Proxim orient. La relaziun tranter ils dus pajais è stada tendida ils ultims onns. Il president american Barack Obama ha adina puspè crititgà l'Israel pervi da la politica da colonisaziun en ils territoris palestinais.

RR novitads 06:00

Artitgels legids il pli savens

Scrollar a sanestra Scrollar a dretga