L'Italia ha rinforzà ils ultims mais si’offensiva cunter la cuntrabanda. Dapi l’entschatta da l’onn sajan bunamain 470 cuntrabandists supponids vegnids, uschia il ministeri da l’intern talian. Per quest motiv hajan ils cuntrabandists midà lur rutas.
Cunzunt il dumber da fugitivs or da la Siria ch'arrivian en il sid da l'Italia saja sa sbassà considerablamain. L'emprima mesadad da quest onn èn arrivads radund 6'700 fugitivs sirians en l'Italia. Durant la medema perioda da l'onn avant eran quai anc radund 24milli. Tut en tut ha l'Italia registrà quest onn 116’000 fugitivs.
